Professor Azmiddin Nosirov TISU talabalariga dars oʻtdi
Samarqand davlat universiteti professori, filologiya fanlari doktori Azmiddin Nosirov ishtirokida universitetimizda talabalar uchun ilmiy ma'ruza darsi tashkil qilindi. Unda professor "Jadidlarning ma'rifatparvarlik faoliyati" mavzusida ma'ruza qildi. Shu bilan birgalikda, yoshlarga ilm oʻrganish, fan choʻqqilarini zabt etish borasidagi oʻz tajribalari bilan boʻlishdi.
Azmiddin Nosirov uzoq yillardan beri Samarqand davlat universitetida mehnat qilib kelmoqda. U adabiy tanqidga, oʻzbek romanchiligi va adabiyotshunoslikning turli mavzulariga bag'ishlangan ko'plab monografiya, metodik qoʻllanma va tavsiyalar, ilmiy maqolalarni nashrdan chiqarib, talaba yoshlarga, mehribon ustoz sifatida taqdim etib, katta olqishlarga sazovor boʻlgan. Undan tashqari, professor Azmiddin Nosirov talaba yoshlar uchun darsliklar yaratib, oʻquv jarayonini hozirgi zamon talablari darajasida shakllanishi va malakali adabiyotshunoslar tayyorlashga ulkan hissa qoʻshib kelayotgan fidoiy ziyoli sifatida e'zozlanadi.
uz
en
ru
