O‘zbekiston Respublikasi Oliy va o‘rta maxsus ta’lim vazirligi, Yoshlar ishlari agentligi hamda O‘zbekiston Yozuvchilar uyushmasi hamkorligida tashkil etilgan "Ma'rifat maydoni" tanlovi doirasida Termiz iqtisodiyot va servis universitetida fakultetlararo bellashuv bo‘lib o‘tdi.

Tanlov "Yangi O‘zbekiston – yangi dunyoqarash" shiori ostida, talaba-yoshlarning ijodiy salohiyatini namoyon qilish, adabiyotga bo‘lgan qiziqishlarini oshirish va ularga yangi imkoniyatlar yaratish maqsadida tashkil etilgan.

Tanlov quydagi bosqichlarda bo'lib o'tishi rejalashtirilgan:

1. Universitet bosqichi – fakultet jamoalari o‘rtasida;

2. Hududiy bosqich – Surxondaryo viloyatining barcha OTMlari o‘rtasida;

3. Mintaqaviy bosqich – g‘olib jamoalar mintaqalar bo‘yicha bellashadi;

4. Respublika final bosqichi – eng kuchli jamoalar orasida yakuniy bosqich.

Universitet miqqiyosida saralash bosqichlari quyidagi shartlar asosida o‘tkazildi:

"Adib hayoti" – atoqli adiblarning hayoti va ijodidan sahna ko‘rinishlari

"Tezkor savol-javob" – adabiyot bo‘yicha bilim sinovi

"Adiblar ijodidan teatrlashtirilgan kompozitsiya"

Bellashuv yakuniga ko‘ra, Tibbiyot fakulteti talabalari yuqori ijro mahoratini namoyon etib, birinchilikni qo‘lga kiritishdi.

G‘olib jamoamizni samimiy tabriklaymiz va ularga tanlovning keyingi bosqichlarida muvaffaqiyat tilaymiz!