Viloyat hokimi Ulug‘bek Qosimovning ko‘rsatmasiga asosan, Oltinsoy tumanidagi ko‘rsatkichlari past bo‘lgan umumiy o‘rta ta’lim maktablaridan 10 tasi Termiz iqtisodiyot va servis universitetiga biriktirilgan. 

Shu bois universitet rektori A.Sattarov boshchiligida professor-o‘qituvchilardan iborat ishchi guruh Oltinsoydagi maktablarda bo‘lishdi. 

Ishchi guruh a'zolari maktablardagi mavjud barcha muammolarni o‘rganishdi. Maktab direktorlari, o‘qituvchilari bilan suhbatda bo‘lib, u yerdagi sharoitlar bilan tanishishdi.

Birinchi navbatda, maktablarning moddiy-texnik bazasini yangilash, metodik yordam ko‘rsatish, o‘qituvchilarga TISU professor-o‘qituvchilari tomonidan har bir fan bo‘yicha seminarlar o‘tib berish choralari ko‘riladigan bo‘ldi. 

Shuningdek, universitet tomonidan bitiruvchilarni oliy ta'limga qamrovi darajasini oshirishga ham amaliy ko‘mak beriladi.